یەکەمین فێرگەی تۆپی پێ لە قەزای سەیدسادق کرایەوە
شارەزوور نیوز ـ ستار حسن
پاش نیوەڕۆی ئەمڕۆ پێنج شەممە 16/11/2017 بە بەشداری چەندین کەسایەتی وەرزشی و ئیداری قەزاکە یەکەمین فێرگەی تۆپی پێ لە سەیدسادق کرایەوە بۆ پێگەیاندنی منداڵان لە بواری وەرزشی تۆپی پێدا.
گۆران محمد، سەرۆکی قوتابخانەی تۆپی پێی سەیدسادق بە “شارەزوور نیوز”ی ڕاگەیاند، ئامانج لە کردنەوەی ئەم فێرگەیە خزمەتکردنی وەرزش لە شارەکەمان و پێگەیاندنی منداڵانی بەھرەمەند وەک وڵاتانی پێشکەوتو لە بواری وەرزشدا، وتیشی داوا لە ھەموو بەرپرسان و وەرزش دۆستان دەکەین ھاوکاری فێرگەکە بکەن بۆ ئەوەی ئێمەش بتوانین بە باشترین شیوە فێرخوازان ڕابێنین.
لەوبارەیەوە یادگار خاف، سەرۆکی یانەی سەیدسادق بۆ “شارەزوور نیوز” گوتی، کردنەوەی ئەم قوتابخانانە ڕۆڵێکی گرنگی ھەیە لە پێگەیاندنی وەزشکاری بەتوانا ئەبنە بناخەیەکی پەروەردەی دروسکردنی یاریزان، ئێمەش وەک یانەی سەیدسادق پشتیوانیان دەبین ھیواخوازین ھەموو ھاوکاریان بین لەبەرەو پێشچونی قوتابخانەکە.
