شارەزوور نیوز

چون بۆ سەیران، دەرفەتێک بۆ فراوانکردنی دونیا بینی و بیرکرنەوەی منداڵ

پێشنیارێک بۆ دایکان و باوکان هەرچەند کوردستان بە بارودۆخێکی نالەباردا تێدەپەڕێت، بەڵام خۆشبەختانە بەشێکی زۆریخێزانەکانمان بە هەرجۆرێک بووە دەرفەتی چونەدەرەوەی گەشت و سەیران بۆ خۆیان دەڕەخسێنن. سەرەڕای بەسەربردنی کاتی خۆش و بەهێزکردنی زیاتری پەیوەندیە کۆمەڵایەتیەکان، زۆر پێویستە سودلەو چەند کاتژمێرە وەربگرین کە لە دەرەوەین(بۆ منداڵانی باخچەی ساوایان و بازنەی یەک و دوو)یقوتابیانی بنەڕەتی. ێرەدا دوو پێشنیاردەکەم بەهیوام کەم تا زۆر گرنگی پێبدرێت ۱. (ئەوەی پەیوەندی بە قۆناخی باخچە و پۆلی یەکەم) ی بنەڕەتیەوە هەیە. زۆر هوشیارانە لەسەردیاردەکانی سروشت و پەیوەست بەژیانەوە گفتوگۆ بەپێی ئاستی تەمەنەکەیان لەگەڵ منداڵان بکرێت،هەوڵبدەین بەجۆرێکی سادە و کراوە پرسیار ئاراستەی منداڵەکان بکرێت و زۆرترین کاتی وەڵامدانەوەشبۆ ئەوانبێت با وەڵامەکانیشیان سادە و هەڵەبێت. چونکە تاڕادەیەک ناتوانن بەنوسین تەعبیر لە بۆچۆنەکانیان بکەن. ۲.دەکرێت دوای گەڕانەوە بۆ ماڵەوە بۆ(پۆلی ۲ تا ٦)بنەڕەتی، دوای پشودان لە ماڵەوە، داوا لە منداڵەکانبکرێت سەبارەت بەم گەشتەی ئەمڕۆمان شتێک بنوسن، گرنگ نیە لەسەر هەر بوارێک بێت. ئامانج ئەوەنیە نوسینەکە تاچەند گرنگ و تەوا و زانستیە، بەڵکو ئامانج ئەوەیە منداڵ ڕابێت گرنگی بەدەربڕینیهەست و بۆچونەکانی خۆی بدات. دوای سەرنجدان و بەهەند وەرگرتنی گفتوگۆ و خوێندنەوەی نوسینەکانیان، بۆتدەردەکەوێت هەندێک لەقسە و بۆچونەکان تاڕادەیەک زمانی شیعر، فەنتازیا و ئەدەب زاڵە بەسەریانا، هەندێکیان پێشنیار وئامۆژگاری جۆر بەجۆرن. کاتێک ئەمانە بونە کلتوور ئیتر منداڵ هەرجارە و زمانی گفتوگۆ و نوسینی باشتر وکراوەتر دەبێت. ئەمانە بەشکن لەو هۆکارانەی منداڵ دەتوانێت تەعبیر لە ڕاو بۆچون و دونیابینی خۆی بکات. بیرماننەچێت زمان هۆکارێکە بۆ گەشەکردنی بیرکردنەوەی منداڵ. جەمال حمەیوسف محمد

وتار

ئایا هەر بەڕاست خوێندنی ئۆنلاین خراپە ؟

2 حەفتە پێش ئێستا

ئەمڕۆ بەهۆی ئەو بارودۆخەی کە ڕویداوە بڕیاری خوێندنی ئۆنلاین درا، زۆرینەی خەڵک بە نیگەرانییەوەسەیری ئەم گۆڕانکارییە دەکەن. لەگەڵ ئەو هەموو کەم و کورتیانەی کە هەیە وەک نەبوونی ئینتەرنێت وکارەبا و پێداویستی وەک ئامێری زیرەک و پلاتفۆڕمی گونجاو بەڵام ئەگەر کەمێک وردتر بیر بکەینەوە،ڕەنگە ئەمە ئەو دەرفەتە بێت کە پێویستمانە بۆ ئەوەی لە سیستەمی کلاسیکی خوێندن بێینە دەرەوە وهەنگاو بنێین بەرەو جیهانی مۆدێرن. بۆچی پێویستە ئۆنلاین بە هەل بزانین؟ لە جیهانی ئەمڕۆدا، “نەخوێندەوار” ئەو کەسە نییە کە ناتوانێت بنووسێت، بەڵکو ئەو کەسەیە کەناتوانێت تەکنەلۆژیا بۆ فێربوون بەکاربهێنێت. خوێندنی ئۆنلاین قوتابی و فێرخواز ناچار دەکات ببێتەهاوڕێی تەکنەلۆژیا و ئامرازە دیجیتاڵییەکان بە لایەنە باشەکەیدا بناسێت. تەکنەلۆژیا ڕێگرە لەوەی زانست بوەستێت. لە کاتێکدا جەنگ و ئاڵۆزییەکان دەیانەوێت ژیان پەکبخەن،ئینتەرنێت دەبێتە پردێک بۆ ئەوەی منداڵەکانمان لە کاروانی زانست دانەبڕێن. خوێندنی ئۆنلاین بەرپرسیارێتی دەخاتە سەر شانی خودی فێرخواز. ئەمە وا دەکات نەوەیەک پێبگات کەخۆی بەدوای زانیاریدا بگەڕێت، نەک تەنها چاوەڕێی ئەوە بێت کە مامۆستا پێی دەڵێت. کاتێک فێرخواز فێری بەکارهێنانی پلاتفۆرمە ئۆنلاینەکان دەبێت( بەو مەرجەی مامۆستا ئاڕاستەی بکات)،تەنها سنووردار نابێت بە کتێبەکانی قوتابخانە، بەڵکو دەرگای گەورەترین کتێبخانە و سەرچاوەجیهانییەکانی بەڕوودا دەکرێتەوە. کۆتایی: با لەبری ئەوەی تەنها لایەنە نەرێنییەکان ببینین، ئەم دۆخە سەختە بکەینە خاڵی وەرچەرخان. با ڕێگەبدەین تەکنەلۆژیا لە ئامرازێکی کاتکوشتنەوە ببێتە چەکێک بۆ پەرەپێدانی مێشک و تواناکانمان. داهاتووهی ئەو کەسانەیە کە دەتوانن لەگەڵ گۆڕانکارییەکاندا خۆیان بگونجێنن. نوسینی : م. هێمن محمد

ھەواڵ وتار

تراکتۆر و مەترسیەکانی لەم وەرزەدا بەتایبەتی

11 مانگ پێش ئێستا

وەک لای بەڕێزتان دیارە لەم ڕۆژانە بەدواوە کات کاتی دورینەوەی بەروبومە کشتوکاڵیەکانە و بەتایبەت (گەنم).بەهۆکاری سنووری جوگرافیای ناوچەکە و لەباری زەوی و زاری بۆ کشتوکاڵ زۆرێک لە جوتیارە بەڕێزەکان سەرقاڵن…

وتار

چۆن کۆمەڵگەی کوردی بەرەو هەڵوەشان دەڕوات

1 ساڵ پێش ئێستا

زانایەک دەڵێت،،ئەگەر ویستت شارستانیەتی وڵاتێک بڕوخێنیت دەبێت سێ کردارئەنجام بدەیت.۱-هەڵوەشاندنی خێران.۲-نەهێشتنی خوێندن.۳-نەمانی سەرکردەو پێشەوا. ١-بۆئەوەی خێزان لەبەر یەک هەڵوەشێنیت دەبێت ڕۆڵی دایک نەهێڵیت، وای لێبێت شەرم بکات پێی بوترێت ژنی…

بی خوێنەوە